2022-ci ilin mart ayı üçün bizim “seçmə oyunlar” siyahımıza 6 oyun daxil olub.
Bu ilin mart ayı əvvəlki iki aya nisbətən maraqlı oyun buraxılışları ilə daha zəngindir. Məhz bu səbəbdən də mart ayında bizim siyahıya 6 oyun daxil olub. Siyahıya daxil olan oyunlar tərəfimizdən qeympley, süjet, qrafika, janr və digər xüsusiyyətlərinə, eləcə də, orijinallığına görə təhlil olunur. Biz ay ərzində artıq buraxılmış və hələ buraxılması planlaşdırılan oyunların xüsusiyyətlərini dərindən öyrənib, onlar haqqında kifayət qədər məlumat toplayıb, növbəti “seçmə oyunlar” siyahımızı sizə təqdim edirik.
2022-ci ilin mart ayının seçmə oyunlarına buraxılış ardıcıllığı ilə aşağıdakılar daxildir:
- Shadow Warrior 3
- ELEX II
- Gran Turismo 7
- WWE 2K22
- Ghostwire: Tokyo
- Tiny Tina’s Wonderlands
Shadow Warrior 3
Oyun Flying Wild Dog və Devolver Digital tərəfindən Unreal Engine 4 mühərrikində ərsəyə gətirilib. “Shadow Warrior” oyun seriyasının 3-cü hissəsi və “Shadow Warrior 2” oyununun davamıdır. Oyun seriyanın digər hissələri kimi birinci şəxs perspektivli şuter janrındadır və yalnız tək nəfərlikdir.
“Shadow Warrior 3” 01.03.2022-ci il tarixində PC, PS4 və Xbox One platformaları üçün buraxılıb.
ELEX II
“ELEX II” Piranha Bytes və THQ Nordic tərəfindən ərsəyə gətirilib. “ELEX” oyun seriyasının 2-ci hissəsidir. Oyun üçüncü şəxs perspektivli ekşen, açıq dünyalı rol oyunu, macəra və qismən şuter janrlarındadır. Yalnız tək nəfərlik oyunu dəstəkləyir.
“ELEX II” 01.03.2022-ci il tarixində PC, PS4 / PS5 və Xbox One / Xbox Series X|S platformaları üçün buraxılıb.
Gran Turismo 7
“Gran Turismo 7” Polyphony Digital və Sony Interactive Entertainment tərəfindən ərsəyə gətirilib. Oyun avtomobil yarışları simulyasiyası janrındadır və məşhur “Gran Turismo” seriyasının sayca 13-cü buraxılışdır. Həm tək nəfərlik, həm çox nəfərlik oyun rejimlərini dəstəkləyir.
“Gran Turismo 7” 04.03.2022-ci il tarixində yalnız PlayStation 4 və PlayStation 5 konsolları üçün buraxılıb.
WWE 2K22
“WWE 2K22” Visual Concepts və 2K Sports tərəfindən ərsəyə gətirilib. Oyun “WWE” tərəfindən təşkil olunan məşhur reslinq şoularından (Smackdown, RAW və s.) bəhrələnir. “WWE 2K” oyun seriyasının sayca 24-cü buraxılışıdır. Həm tək nəfərlik, həm də çox nəfərlik rejimləri dəstəkləyir.
“WWE 2K22” 08.03.2022-ci il tarixində PC, PS4 / PS5 və Xbox One, Xbox Series X|S platformaları üçün buraxılacaq.
Ghostwire: Tokyo
“Ghostwire: Tokyo” Tango Gameworks və Bethesda Softworks tərəfindən Unreal Engine 4 mühərrikində ərsəyə gətirilib. Oyun birinci şəxs perspektivli ekşen-macəra janrındadır və yalnız tək nəfərlikdir.
“Ghostwire: Tokyo” 25.03.2022-ci il tarixində PC və PlayStation 5 platformaları üçün buraxılacaq.
Tiny Tina’s Wonderlands
“Tiny Tina’s Wonderlands” Gearbox Software və 2K Games tərəfindən Unreal Engine mühərrikində ərsəyə gətirilib. “Borderlands” seriyasının spin-offudur (hadisələr “Borderlands” kainatında cərəyan edir). Oyun birinci şəxs perspektivli şuter, ekşen rol oyunu janrlarındadır. Həm tək nəfərlik, həm də çox nəfərlik rejimləri dəstəkləyir.
“Tiny Tina’s Wonderlands” 25.03.2022-ci il tarixində PC, PS4 / PS5 və Xbox One / Xbox Series X|S platformaları üçün buraxılacaq.
