“Valheim” hazırda erkən mərhələdə olsa da, “Steam” statistikasına görə eyni anda oynayan aktiv oyunçularının sayı 360 min nəfərdən yuxarıdır. Beləliklə, hələ bu ayın əvvəli oyuna erkən giriş imkanı yaradılmasına baxmayaraq, “Valheim” bir çox oyunları geridə qoyaraq aktiv oyunçu sayına görə çartda ön pillələrə yüksəlib. Hazırda oyun yalnız “Dota 2” və “CS:GO”-dan geridə qalaraq 3-cü pillədə qərarlaşıb.
Valheim oyunu nədən bəhs edir?
Oyunda ilk hadisələr eyniadlı məkan olan Valheymdə cərəyan edir. “Valheim” skandinaviya mifologiyalası ilə əhatə olunub. Elə buna görə də siz oyuna vikinq olaraq başlayacaqsınız. Oyun fentezi elementləri ilə zəngindir və açıq dünyaya malikdir. Yaradıcı şirkət “Iron Gate AB” qeyd edir ki, oyun xəritəsi getdikcə genişlənir və generasiya olunur.
“Valheim” yeni başlayan oyunçuları birbaşa çətinliklərlə üzləşdirmir. Oyunda proqress olduqca axıcıdır və çətinliklər tədricən meydana gəlir. Burada əsas elementlərdən biri də kraftinqdir (crafting .ing), yəni oyun prosesi zamanı əldə olunmuş materiallarla silah, zireh və digər vasitələr hazırlama. Əlavə olaraq qəsrlər, qalalar, forpostlar və evlər inşa etmək imkanı da mövcuddur.
Qeyd: Oyun survival (sağ qalma) janrındadır. Əgər bu janrda olan oyunlar sizin üçün maraqsızdırsa, “Valheim” oyunu sizi cəlb etməyə bilər. Oyun tipik janrdan bir qədər fərqləndiyi üçün hər bir halda cəhd etməyə dəyər.
Valheim oyununun üstünlükləri. Nəyə görə oyunçular yeni oyuna axın edir?
Düşünürük ki, ilk əvvəl yaradıcı şirkətin əməyi nəticəsində oyunun kifayət qədər stabil və şəbəkə yükünə dözümlü olmasını qeyd etmək lazımdır. Oyun qrafikası sadə, qrafik göstəriciləri isə aşağı olsa belə, əvəzində “Valheim” oyunçulara skandinaviya abu-havasını və getdikcə inkişaf edən rəngarəng açıq dünyasını təklif edir. Digər bir tərəfdən hər kəsin evində yüksək parametrli personal kompyuteri yoxdur. Bu oyunun sistem tələbləri isə olduqca yumşaq və loyaldır.
Oyunun “Steam” onlayn mağazasında qiyməti 10.49$ təşkil edir. “Valheim” oyununu əldə etmək üçün bu KEÇİDDƏN istidə edə bilərsiniz.
Hazırda biz bu oyunu dəyərləndirə bilməmişik, lakin yaxın zamanda bu barədə daha ətraflı məlumatı sizinlə bölüşəcəyik.
Valheim oyununun qeympley videosunu Sizə təqdim edirik:
