Microsoft 24 iyun tarixində keçirəcəyi onlayn təqdimatda yeni nəsil Windows əməliyyat sistemini təqdim edəcək
Microsoft şirkətinin saytında verilən məlumata görə onlayn təqdimat 24 iyun tarixində Bakı vaxtı ilə saat 19:00 radələrində yayımlanacaq. Təqdimatda Microsoft şirkətinin baş icraçı direktoru Satya Nadella və istehsalat meneceri Panos Panay da iştirak edəcək.
İlkin məlumata görə yeni nəsil Windows ƏS mövcud Windows 10 ƏS üzərində ərsəyə gətirilir. Yeniliklərə əsasən istifadəçi interfeysi ilə əlaqədar dəyişikliklər daxildir. Hazırda iyun ayının 24-də təqdim olunacaq layihənin adının “Sun Valley” (Günəş Vadisi azərb.) olduğu məlumdur. Microsoft şirkətinin yeni nəsil Windows ilə mövcud əməliyyat sisteminin bir çox elementlərinin xarici görünüşünü dəyişəcəyi, funksiyalarını təkmilləşdirəcəyi və əvvəlki nəsil əməliyyat sistemlərindən qalan “gərəksiz” interfeysləri ləğv edəcəyi gözlənilir. Bütün bunlarla yanaşı görünür ki, Windows ƏS-nin loqosu da dəyişəcək.
