Müqaviləyə əsasən Nvidia Azərbaycan oyun studiyası AzDimension tərəfindən ərsəyə gətirilən oyunlar Geforce Now servisinə əlavə edəcək
Hazırki dövrdə Azərbaycanda oyun sənayəsi günü-gündən inkişaf edir. Bu yaxınlarda “Axilon: Legend of Artifacts” oyununu “Steam” rəqəmsal mağazasında buraxan Azərbaycan oyun studiyası AzDimension dünyanın aparıcı texnologiya şirkətlərindən biri olan Nvidia şirkəti ilə tərəfdaşlıq müqaviləsi imzalayıb. Müqaviləyə əsasən oyun studiyasının mövcud oyunları və eləcə də gələcək layihələri Geforce Now servisinə əlavə olunacaq.
Xatırladaq ki, hazırda AzDimension “Evade The Light” qorxu indi-oyunu üzərində çalışır. Dəqiq buraxılış tarixi məlum olmasa da, oyun yalnız PC platforması üçün ərsəyə gətirilir. Studiyaya və layihəyə dəstək olmaq üçün aşağıdakı keçid vasitəsilə oyunu “Steam” rəqəmsal mağazasında arzu olunanlar siyahısına əlavə edə bilərsiniz.
https://store.steampowered.com/app/1601870/Evade_The_Light/
Nvidia şirkəti tərəfindən yaradılan Geforce Now servisi özündə yüzlərlə oyunu ehtiva edən bulud texnologiyasıdır. Servis internetə çıxışı olan müxtəlif cihazlar vasitəsilə istifadəçilərinə bulud texnologiyasının və qabaqcıl kompüterlər üzərində qurulmuş sistemdə müxtəlif oyunları oynamağa imkan yaradır. Təəssüf ki, Geforce Now servisi hazırda Azərbaycanda fəaliyyət göstərmir.
