Microsoft Xbox mart ayının 9-u nəhayət ki, ZeniMax Media şirkətini rəsmi olaraq özünə birləşdirdi
Bu barədə hər iki şirkət müxtəlif sosial şəbəkələrdə və rəsmi saytlarında məlumat yayıblar. Bethesda rəsmi Twitter hesabında bu münasibətlə yeni video belə paylaşıb.
ZeniMax Media-nın törəmə şirkəti olan Bethesda bu birləşmədən sonra belə tam yaradıcılıq azadlığını qoruyub saxlayacaq. Lakin, Xbox-un rəhbəri Fil Spenserin sözlərinə görə gələcəkdə Bethesda tərəfindən ərsəyə gətiriləcək bəzi yeni oyunlar PC və Xbox platformaları üçün eksklüziv olacaq.
