“Cadugər” serialının çəkilişlərindən yayılan fotoşəkildə “Vəhşi Ov”a bənzər atlılar əks olunub
Netflix striminq servisində yayımlanan “Cadugər” (Witcher ing.) serialı polyak yazıçı Sapkovskinin eyniadlı fentezi romanına əsaslanır. Fövqəladə gücə malik cadugərdən bəhs edən roman ona həsr olunmuş “Witcher” oyun seriyasından sonra daha da məşhurlaşmışdı.
obraz aktyor Henri Kevill tərəfindən canlandırılır
“Cadugər” serialının 1-ci sezonunun premyerası 2019-cu il tarixində baş tutub. İzləyicilər arasında kifayət qədər müsbət rəy toplayan serial ikinci sezona uzadılıb. Hazırda ikinci sezonun premyera tarixi elan olunmasa da, çəkilişləri artıq yekunlaşmaq üzrədir. Çəkilişlərin son günlərindən yayılan fotoşəkildə bir qrup atlı əks olunub.
“Cadugər” romanı, əsasən isə oyunu ilə tanış olan hər kəs təsvir olunan atlıların dərhal “Vəhşi ov” (Wild Hunt ing.) olduğunu güman edib.
Qeyd edək ki, “Vəhşi ov” anlayışı skandinaviya mifologiyalarından qaynaqlanır. Mifologiyada öz gəlişi ilə faciə və bədbəxtlik gətirən bir qrup xəyali atlı kimi təsvir olunur. “Cadugər” romanında və oyununda da ilkin mənasını qoruyub saxlayan “Vəhşi ov”a geniş yer ayrılır.
