Çox güman ki, bu 2019-cu ildə buraxılan “Call of Duty: Modern Warfare” üçün son yeniləmədir
Activision artıq 2020-ci ilin dekabr ayından etibarən “Call of Duty: Modern Warfare” oyununu qismən dəstəkləyir. Buna səbəb şirkət tərəfindən əsas gücün seriyadan olan daha yeni “Call of Duty: Black Ops” və “battle-royale” janrında olan “Call of Duty: Warzone” oyunlarının dəstəyinə ayrılmasıdır.
Bütün bunlara baxmayaraq oyunçular “Call of Duty: Modern Warfare”ə üç yeni oyun xəritəsinin əlavə olunduğunu aşkar ediblər.
Niyə oyunçular? Çünki Activision bu barədə heç bir anons etməyib.
Oyuna əlavə olunan xəritələr aşağıdakılardır:
- Killhouse
- Al-Raab Airbase
- Drainage
Killhouse
Bu oyun xəritəsi 2007-ci il tarixində buraxılan “Call of Duty 4: Modern Warfare” oyunundan qaynaqlanır. Oyun xəritəsində qarşılaşmaya daxil olmaq üçün “24/7 Mosh Pit” pleylistinə keçid etmək lazımdır.
Al-Raab Airbase
Oyun xəritəsi 6×6 nəfərlik yalnız “şəxsi” qarşılaşmalar üçün nəzərdə tutulub.
Drainage
Bu oyun xəritəsi də yalnız “şəxsi” qarşılaşmalar üçün nəzərdə tutulub və yalnız “Gunfight” rejimində mövcuddur.
