CDPR “Cyberpunk 2077”, “The Witcher” oyunları və şirkətin gələcək strategiyası haqqında bir sıra məlumatlar paylaşıb
Belə ki, şirkət yaxın bir neçə il ərzində yeni “AAA” (Triple-A) səviyyəli oyunlar yaratmağı planlaşdırır. Bu məqsədə nail olmaq üçün şirkət gələcək iribüdcəli oyun layihələrinin paralel hazırlanacağına qərar verib. Hazırda bizim üzərimizə düşən CD Projekt RED-dən (qısaca CDPR) yeni anonsları gözləməkdir.
Əvvəllər də CDPR ilə oyun yaradıcılığında əməkdaşlıq edən Digital Scapes oyun studiyası artıq tamamilə onunla birləşdi. Kanadanın Vankuver şəhərində yerləşən oyun studiyası bundan sonra CD Projekt RED Vancouver adlanacaq və gələcək layihələrin ərsəyə gətirilməsində yaxından iştirak edəcək.
CDPR gələcək fəaliyyətində artıq çoxnəfərlik (multiplayer ing.) rejimi dəstəkləyən oyunların yaradılmasına üstünlük verəcək. “Cyberpunk 2077” və “The Witcher” seriyasından olan oyunlar da bu sıraya daxildir.
Əvvəllər şirkət “Cyberpunk 2077” oyunu əsasında ayrıca çoxnəfərlik oyun yaratmaq fikrində idisə, indi bu rejimi mövcud oyuna əlavə edəcəyinə qərar verib. Bu prosesin hansı formada və nə vaxt başlayacağı barədə isə hələ heç bir məlumat verilməyib. İl ərzində “Cyberpunk 2077” üçün bir neçə oyun əlavəsinin və oyunun növbəti nəsil (next-gen ing.) versiyasının buraxılacağı planlaşdırılır.
“The Witcher” seriyasına gəldikdə, şirkət il ərzində bu seriya ilə bağlı iki mobil oyunu (The Withcer: Monster Slayer və GWENT) dəstəkləməyə davam edəcəyini və “The Witcher 3: Wild Hunt”ı yeni nəsil konsollar üçün yeniləyəcəyini bildirib.
Və sonda CDPR-ın sözügedən “inkişaf strategiyası” haqqında təqdimatına dair videoçarxı:
