Əvvəllər PlayStation platformasının eksklüziv oyunu olan “Days Gone” bu ilin yaz aylarında PC platforması üçün buraxılacaq
2019-cu ildə Sony Bend Studio tərəfindən ərsəyə gətirilən “Days Gone” bu günə qədər PlayStation platformasının eksklüziv oyunu olaraq qalırdı. Bu vəziyyəti Sony PlayStation-ın rəhbəri Cim Rayanın “GQ” jurnalına verdiyi müsahibəsində dəyişib. Müsahibədən qısa məzmun:
GQ: What about PlayStation games on PC?
Jim Ryan: A whole slate of them is on the way starting with Days Gone this spring.
PlayStation oyunlarının PC platforması üçün buraxılması sualını cavablandırarkən, Cim Rayan artıq bu oyunlardan ibarət bir siyahının olduğunu və ilk oyunun elə yaz aylarında PC platforması üçün buraxılacaq “Days Gone” olacağını qeyd edib.
Bu o deməkdir ki, “Days Gone” gələcəkdə PlayStation platformasından PC platformasına port olunacaq oyunlar sırasından hələ birincisidir.
Hə, bu arada, oyun barəsində ətraflı məlumat almaq istəyirsinizsə, saytımızda yazdığımız digər məqaləyə keçid edə bilərsiniz.
Bu xəbər, əlbəttə ki, PC platforması istifadəçilərini sevindirməyə bilməz. Çünki, hər kəsə məlumdur ki, PlayStation platforması öz keyfiyyətli eksklüziv oyunları ilə məşhurlaşıb. Lakin, bu xəbərin PlayStation istifadəçiləri tərəfindən necə qarşılanacağı hələ məlum deyil. Hər bir halda “Days Gone” oyunu 2 il öz eksklüzivliyini saxlamış oldu. Sony PlayStation şirkətinin bu sahədə apardığı siyasət və onun mövqeyi bu oyun konsolunun sahiblərini nəzərə alır və onun dəyərini “öldürmür”.
“Days Gone” orta səviyyəli oyundur
Burada bir məsələ də “Days Gone” oyununun digər PlayStation eksklüzivləri ilə müqayisədə satış “zirvələrini” dayanıqlı olaraq fəth edə bilməməsidir. Oyun maraqlı və qrafika cəhətdən bu gün də aktual olsa belə kritiklər və oyunçular tərəfindən birmənalı qarşılanmamışdır. Eləcə də digər bir məqam “Days Gone” oyununun 2019-cu il tarixində buraxılması və artıq “köhnəlmiş” sayılmasıdır. Hələ buraxıldığı dövrdə ən çox satılan oyunlar sırasında dayanıqlı qərarlaşa bilməyən bu oyunun 2021-ci ildəki satış statistikasını təsəvvür etmək çətin deyil. Bütün qeyd olunanları nəzərə alaraq oyunun PC platformasına nə üçün buraxılması aydın olur. Sözsüz ki, bu addım artıq PlayStation platforması çərçivəsində əhəmiyyətsiz gəlir gətirən oyunun PC platfroması hesabına satış sayının artırılmasına hədəflənib.
