“Destiny 2” oyunu üçün növbəti geniş əlavə oyun məzmunu – “The Witch Queen” 22 fevral tarixində buraxılacaq.
Dünən Bungie “Destiny 2” oyunu üçün “The Witch Queen” adlı əlavə oyun məzmununun buraxılış treylerini təqdim edib. Əlavə oyun məzmununun buraxılışı isə 22 fevral tarixinə nəzərdə tutulub.
“The Witch Queen”də oyunçular işıq gücünə sahiblənən Cadugər Kraliça Savatuna qarşı mübarizə aparmalıdırlar. Savatun öz gücünün bir hissəsini də öz döyüşçülərinə bəxş edib. İndi onları məhv etmək daha çətin olacaq, çünki rəqiblər istənilən an yenidən dirilə bilər.
Bu əlavə oyun məzmunda hər bir ixtisasın bacarıqlar sistemi təkmilləşdirilib. Eləcə də oyuna yeni silah yaratmaq sistemi, yeni çətinlik səviyyəsi və digər yeniliklər əlavə olunub.
