BioWare tərəfindən ərsəyə gətirilən məşhur RPG oyun seriyası “Dragone Age”in növbəti hissəsinin artları Twitter sosial şəbəkəsində yayılıb. Rəsmlər Metyu Qoldman tərəfindən hazırlanıb və oyunun icraçı prodüseri Kristian Deylinin rəsmi hesabında paylaşılıb.
Bu günədək oyundan görüntülər və qeympley ilə əlaqədar yaradıcı tərəfindən heç bir material təqdim olunmasa da, son verilən məlumata görə “Dragon Age” oyunu bu ilin sonlarınadək buraxılmalıdır.
“Dragon Age” seriyasından olan oyunlar özünəməxsus sehrli dünyası və maraqlı süjeti ilə məşhurlaşıb. BioWare bu seriyadan olan növbəti oyununda da təknəfərlik süjet kampaniyasına üstünlük verəcək. Hazırda oyunda hadisələrin Tevinter imperiyası ərazisində cərəyan edəcəyi məlumdur.
Ümumilikdə oyun seriyasının 4-cü hissəsi olmasına baxmayaraq oyunun adı “Dragon Age 4” yox, “Dragon Age” olaraq təqdim olunub.
