30 aprel tarixində PlayStation canlı yayımda “State of Play” təqdimatını keçirdi
Elə gözlənildiyi kimi təqdimat zamanı əsasən Insomniac tərəfindən ərsəyə gətirilən “Ratchet & Clank: Rift Apart” oyunu nümayiş olundu. Bu barədə biz əvvəlki məqaləmizdə də məlumat vermişdik.
Təqribən 22 dəqiqəlik “State of Play” təqdimatının 16 dəqiqəsi “Ratchet & Clank: Rift Apart” oyununa həsr olunsa da, qalan müddət ərzində “Subnautica: Below Zero” və “Among Us” oyunlarından bəhs olundu.
Daha sonra təqdimat zamanı 2019-cu ildə buraxılan açıq dünyaya malik ekşen (open world action ing.) “Subnautica: Below Zero” oyununun təkmilləşdirilmiş versiyası anons olundu. Təkmilləşdirilmiş versiya PlayStation 5 konsolunun bütün üstünlüklərini dəstəkləyəcək. Oyun yeni nəsil Xbox və PlayStation konsolları ilə yanaşı 14 may tarixində PS4, Xbox One və PC platformalarına yenidən buraxılacaq.
Və nəhayət ki, “Among Us” oyunu bu il ərzində PS4 və PS5 konsolları üçün buraxılacaq. Oyuna yalnız PlayStation konsolları üçün nəzərdə tutulan “Ratchet” və “Clank” skinləri əlavə olunacaq.
30 aprel tarixli “State of Play” təqdimatının canlı yayımını təqdim edirik:
