Yəqin ki, dünya üzərinə çökmüş koronavirus təhlükəsindən artıq xəbərdarsınız. Bununla əlaqədar olaraq bütün sahələri əhatə edən keçirilən bir sıra kütləvi beynəlxalq tədbirlərin 2020-ci ildə təxirə salınması oyun sənayəsindən də yan keçmədi. Belə ki, “E3 2020″ press konfransı da məntiqi olaraq təxirə salındı. Bu xəbəri “E3 2020″ təşkilatçıları rəsmən bəyan ediblər.
“E3 2020″ tədbir iştirakçılarına onların pulunu qaytaracaq və hər bir halda 2020-ci ilin iyun ayında onlayn press konfrans keçirməyə çalışacaq.
“E3” tədbirinin təşkilatçıları ESA – Entertainment Software Association rəsmi olaraq qeyd edir:
Biz düşünürük ki, belə bir misli görülməmiş qlobal vəziyyətdə bu ən yaxşı yoldur.
Bu il tədbir keçirə bilmədiyimiz üçün məyus olduq, amma hazırkı vəziyyətdə bunun düzgün qərar olduğuna da əminik.
ESA
Buna baxmayaraq bəzi oyun istehsalı şirkətləri konfransda onlyan formatda iştirak edəcəklərini qeyd ediblər. Belə ki, “Microsoft” və “Ubisoft” şirkətləri artıq bu formatda çıxış etmələrini planlaşdırdıqlarını bəyan ediblər.
Biz də “GGC” olaraq oyun dünyası ilə sıx bağlı olan bu və digər tədbirlərin təxirə salınmasından təəssüflənirik. Lakin sağlamlıq və insan həyatı mövcud olan ən vacib anlayışlardır. Odur ki, özünüzü və yaxınlarınızı qoruyun.
