Sayca 26-cı E3 sərgisi bu il 15-17 iyun tarixlərində yenidən ABŞ-ın Los-Anceles şəhərində keçirələcəyi planlaşdırılır
Ənənəvi olaraq istehsalçı şirkətlər, yaradıcı studiyalar tərəfindən oyunların, proqram təminatlarının və müxtəlif texnologiyaların anons edildiyi və ya daha ətraflı məlumat verildiyi “E3” sərgisi bu il də ESA (Entertainment Software Association) qurumunun təşkilatçılığı ilə baş tutacaq.
Təəssüf ki, “COVID-19” koronavirus pandemiyası ilə əlaqədar olaraq “E3 2021” onlayn formatda keçiriləcək. Bu informasiya ABŞ-ın Los-Anceles şəhərində keçiriləcək tədbirlər və toplantıları özündə əks etdirən sənəddəki siyahıdan alınıb. Qeyd olunan məlumata görə hazırda istehsalçı qrup yayım ayarları üzərində çalışır.
Xatırlayırsınızsa, keçən il “E3 2020” tamamilə təxirə salınmışdı. Biz bu barədə saytımızda yerləşdirilən digər məqalədə ətraflı məlumat vermişdik.
