“Eternals” filminin premyerası 5 noyabr tarixinə təyin olunub.
Marvel Kinematoqrafiya Kainatından növbəti filmin premyerasına 2 aydan bir qədər çox müddət qalıb. Bu isə o deməkdir ki, hazırda Disney və Marvel Studios “Eternals” (Əbədilər azərb.) filminin aktiv reklamına başlayır.
“Əbədilər” adlandırılan bir qrup superqəhrəman yadplanetli irqin nümayəndələridirlər. Onlar min illər ərzində Yer Kürəsini təhlükədən qoruyublar. Buna baxmayaraq, uzun müddətdir ki, bir-birindən ayrı və gizli həyat tərzi sürürlər. İndiyidək onların Marvel filmlərində hansı səbəbdən iştirak etməməsi isə filmdə məntiqli cavablandırılır. Çünki, onlar Yer Kürəsindəki hadisələrə yalnız bir halda müdaxilə edə bilərlər, o da baş verənlərdə deviantların iştirakı olarsa. Əbədilər və deviantlar eyni soydan olsalar belə, bir-birilərinin tam əksidirlər.
Xatırladaq ki, filmin rejissoru “Oskar” mükafatçısı Kloe Çjaodur. Baş rolları isə Ancelina Coli, Riçard Madden, Salma Hayek, Kit Harrinqton, Kymeyl Nanciani və Cemma Çan kimi məşhur Hollivud ulduzları canlandırır.
