Filmdə aktyor Maykl Kiton və Ben Afflekin canlandırdığı Betmen obrazlarının hər ikisi də yer alacaq
“Fləş” (The Flash ing.) filminin çəkilişlərinin başlanması barədə məlumatı rejissor Andres Musketti və Warner Bros. paylaşıb. Superqəhrəman obrazını bu dəfə də Ezra Miller canlandıracaq. Dünən filmin çəkilişlərinin ilk günü idi. Bu münasibətlə xüsusi videoanons hazırlanıb.
İlkin məlumata görə film DC-nin “Flashpoint” komiks seriyasındakı hadisələrə əsaslanır. Komiksdə anasının öldürülməsinin qarşısını almaq istəyən Barri (Fləş) mövcud reallığı dəyişir. Məhz bu hadisə Mayki Kitonun canlandırdığı Betmenin meydana gəlməsinə səbəb olacaq. Hazırda Maykl Kiton çəkilişlərin getdiyi İngiltərədir. Ssenariyə görə filmdə Ben Afflekin canlandırdığı Betmenə də yer ayrılsa da, onun iştirakı epizodik olacaq.
“Fləş” filminin premeyrası 2022-ci ilin sonlarına planlaşdırılıb.
