CD Projekt RED-dən vahid oyun platforması GOG Galaxy 2.0 bütün oyun mağazalarında olan oyun kitabxanalarınızı bir araya gətirəcək
GOG Galaxy 2.0 PC və digər platformalar üçün olan əldə etdiyiniz oyunları bir araya gətirə biləcək. Belə ki, ayrı-ayrı veb-oyun mağazalarında əldə etdiyiniz və oyun kitabxanasına əlavə etdiyiniz oyunları artıq bir platformadan GOG Galaxy 2.0-dan başlada və yeniləyə biləcəksiniz. GOG Galaxy 2.0 bütün bunları reallaşdırsa, artıq öz stolüstü kompüterinizə Steam, EGS, Origin, Uplay və bu kimi digər internet oyun mağazalarını ayrı-ayrılıqda yükləmədən, orada olan hesablarınızı GOG Galaxy 2.0-a əlavə etməklə bir platformadan yararlana biləcəksiniz. Hazırda qapalı beta-test üçün hazırlıqlar gedir. Əgər sınaqda iştirak etmək istəyirsinizsə qeydiyyatdan keçin.
