Bu barədə məlumatı CD Projekt Red oyun şirkəti özü yayıb. Kiber-hücum CDPR-in serverlərinə yönəlib. Nəticədə hakerlər “Cyberpunk 2077”, “Witcher 3”, “Gwint” oyunlarının, “Witcher 3” oyununun hansısa buraxılmamış versiyasının mənbə kodlarını və digər inzibati sənədləri ələ keçirə biliblər. İndi hakerlər CDPR şirkətini ələ keçirilmiş kodları satmaqla və ya internet vasitəsilə yaymaqla hədələyirlər.
Beləliklə, onlar CDPR-dən 48 saat ərzində onların şərtlərinə cavab vermələrini tələb ediblər.
Öz növbəsində oyun şirkəti məlumat bazasının rezervləşdirildiyini və hazırda serverlərdə bərpa işlərinin aparıldığını bildirib. Onların sözlərinə görə oyunçu və istifadəçi məlumatları hakerlərin əlinə keçməyib.
Hakerlərə cavab olaraq isə CDPR onlarla heç bir danışıqlara getməyəcəyini bildirib və artıq faktla əlaqədar araşdırmanın aparılması üçün müvafiq hüquq-mühafizə orqanlarına müraciət edib.
