Villem Defo yenidən Norman Osborn rolunu canlandıracaq. Bu dəfə Marvel Film Dünyasında!
Öz bacarıqlarını elə rejissor Sem Reyminin “Hörümçək-adam” filmində Norman Osborn rolunda bir daha isbat edən istedadlı aktyor Villem Defo roluna geri dönür.
Bu məlumatı ilk olaraq Illuminerd poratlı hələ 2020-ci ilin dekabr ayında paylaşsa da, GWW portalı bunu bir daha öz mənbələrindən aldığı məlumat ilə təsdiqləyib. Vaxtı ilə aktyor Alfred Molinanın “Hörümçək-adam 3” filmində Doktor Osminoq roluna geri dönməsi barədə həqiqi informasiya verən mənbə, bu dəfə də Villem Defo barədə GWW portalına məlumat verib. Mənbə qeyd edir ki, aktyor artıq “Hörümçək-adam 3” filminin çəkiliş meydançasında olub.
Belə bir xəbər yalnız bir fikir üçün əsas verir:
Villem Defo həqiqətən də Norman Osborn roluna geri dönür!
Burada əsas məqamlardan biri də budur ki, Marvel Film Dünyası getdikcə öz film reallığını genişləndirir. “Disney+” striminq servisində yayımlanan Marvel serialları, məlum olan yeni film layihələri bunu bir daha təsdiqləyir. Çox güman ki, bu yaxınlarda Sony və Disney film şirkətlərini bir-birinə bağlayan “Hörümçək-adam” filmi bu əlaqəni daha da möhkəmləndirəcək.
