30 noyabrda “Avengers” oyununa Hörümçək-adam personajı da daxil olmaqla bir sıra yeni məzmun əlavə olunacaq
Square Enix və Crystal Dynamics tərəfindən 2020-ci ildə ərsəyə gətirilən “Avengers” oyunu kifayət qədər uğursuz layihə kimi qiymətləndirilsə də bugünədək studiya tərəfindən aktiv dəstəklənir. Bu dəfə oyuna yeni personajın, xarici görünüş elementlərinin və digər əlavə məzmunun əlavə olunacağı gözlənilir. Qeyd olunanlar 30 noyabr tarixində oyuna əlavə olunacaq. Yeni məzmunun tam siyahısı isə oyunun rəsmi Twitter səhifəsindəki paylaşdığı tvitdə əks olunub:
Oyunda Hörümçək-adamın öz hekayəsi və oyundaxili videoçarxları olacaq. Süjetə görə isə əvvəllər tənha superqəhrəman olan Hörümçək-adam bu dəfə yetişən təhlükənin qarşısını almaq üçün Qisasçılara qoşulacaq.
Qeyd edək ki, Hörümçək-adam personajı yalnız PlayStation platforması üçün nəzərdə tutulub. Digər yeniliklər isə bütün platformalar şamil olunur.
