Filmdə “Kapitan Amerika” obrazı aktyor Entoni Maki tərəfindən canlandırılacaq
Marvel Studios tərəfindən ərsəyə gətirilən və Disney+ servisində yayımlanan “Şahin və Qış Əsgəri” (The Falcon and the Winter Soldier ing.) serialı bitər-bitməz gündəmə “Kapitan Amerika” filmi gəlib. Hazırda Disney şirkətinin “Kapitan Amerika” filminin 4-cü hissəsi üzərində işlədiyi barədə bir neçə xarici mənbələrdə məlumat yerləşdirilib. İlkin olaraq məlumatı “The Hollywood Reporter” xəbər agentliyi paylaşıb. Sonradan bu məlumat haqda digər xəbər agentlikləri də məqalələr yazıb.
İlkin məlumata görə filmdə Kapitan Amerika sabiq Şahin Sem Uilson (aktyor Entoni Maki) olacaq. Sözsüz ki, bu “Şahin və Qış Əsgəri” serialının son hadisələri ilə bağlıdır. Filmin ssenarisinin Malkolm Spellmen və Dalan Mussona həvalə olunduğu qeyd olunur. Onların hər ikisi də “Şahin və Qış Əsgəri” serialının ərsəyə gətirilməsində iştirak ediblər.
Digər bir məlumata görə isə əvvəllər “Kapitan Amerika” obrazını canlandıran Kris Evans da Marvel Kinemotoqrafiya Kainatına qayıdacaq. Lakin “Kapitan Amerika” filminin 4-cü hissəsində iştirak edib etməyəcəyi bəlli deyil.
