“Halo Infinite” oyununun yeni videoçarxı Kris Preston adlı piyada əsgərin döyüş yoldaşı Devid ilə bağlı dramatik monoloquna həsr olunub
“Halo Infinite” oyununun bu dəfəki treylerində animasiya və effektlərə yox, həqiqi insana və hekayəyə üstünlük verilib. Belə ki, treylerdə nitqi qüsurlu piyada əsgər Kris Preston öz döyüş yoldaşı Devidin taleyi ilə bağlı onun valideynlərinə qısa monoloq ünvanlayır.
“Halo” seriyası ilə tanış olanlar baş qəhrəman Master Çifin özünü müdafiə etmək üçün energetik qalxandan istifadə etməsini, yəqin ki, bilirlər. Həmin energetik qalxan isə məhz Kris və Devidin sayəsində müsadirə olunmuş Kovenant texnologiyası əsasında hazırlanıb. Təəssüf ki, əməliyyat zamanı Devid vəfat edir. Döyüş yoldaşının öz valideynlərinə necə dəyər verdiyini bilən Kris isə lal insanlar üçün ünsiyyət jestlərini səsləndirə bilən texnologiya vasitəsilə onun valideynlərinə səslənir və Devidin onları son anadək sevdiyini bildirir.
