Marvel studiyasının “Loki” serialı 11 iyun tarixindən “Disney+” striminq servisində yayımlanacaq
Marvel Studios tərəfindən ərsəyə gətirilən seriallar bilavasitə MKK (Marvel Kinemotoqrafiya Kainatı) ilə əlaqəlidir. “VandaVijn”, hazırda yayımlanan “Şahin və Qış əsgəri”, eləcə də iyun ayının 11-dən etibarən “Disney+” striminq servisində yayımlanacağı planlaşdırılan “Loki” serialı da MKK-nın 4-cü fazasına daxildirlər. Digər iki serialda olduğu kimi “Loki”də də hadisələr “Qisasçılar: Final” (Avangers: Endgame) filmindən sonrakı dövrdə cərəyan edir.
Xatırlayırsınızsa, “Qisasçılar: Final” filmində Loki tesseraktı götürərək naməlum şəkildə qeyb olurdu. Bu serial Lokinin həmin hadisədən sonrakı əhvalatlarından bəhs edəcək. Loki tesseraktdan istifadə etdiyi üçün “zaman müşahidəçiləri”nin diqqətini cəlb edir və onlar tərəfindən tutulur. Zamanın “düzgün” axınına nəzarət edən bu təşkilat isə Lokidən öz məqsədləri üçün istifadə etmək niyyətindədir. Bu məqsədlə “TVA” (Time Variance Authority) adlı təşkilat onu zamanda olan bəzi sıradankənar məqamları aradan qaldırmaq üçün müxtəlif alternativ kainatlara və zaman kəsiklərinə göndərir. Treylerdə Lokinin alternativ kainatlara səyahətini də müşahidə etmək mümkündür.
“Loki” serialının yeni treylerini təqdim edirik:
