Trilogiya “Mass Effect Legendary Edition” adlanır və özündə bütün DLC-ləri ehtiva edir
Electronic Arts-a məxsus BioWare ilk Mass Effect oyunu ilə fanatlarını 13 il bundan əvvəl sevindirmişdi. Oyunun özünəməxsus dinamikası və abu-havası kifayət qədər oyunçu cəlb etdiyindən sonrakı dövrlərdə Mass Effect oyun seriyasına çevrilərək bir-birinə sıx bağlı olan əlaqəli süjet xəttindən ibarət trilogiya təşkil edir. Yaxın keçmişdə BioWare əvvəkli uğurlarına güvənərək “Mass Effect: Andromeda” adlı oyun buraxsa da buna görə kifayət qədər haqlı tənqid olunur.
Bütün bunlarla yanaşı artıq çoxlarının gözlədiyi orjinal Mass Effect trilogiyasının remastered – yəni yenidən işlənilmiş, təkmilləşdirilmiş versiyasının buraxılış tarixi BioWare tərəfindən nəhayət ki, açıqlandı. İlkin məlumata görə “Mass Effect Legendary Edition” adlı bütün DLC-lər daxil olmaqla (Pinnacle Station istisna olmaqla) trilogiya 14.05.2020-ci il tarixində PC, PS4 / PS5, Xbox One / Xbox Series X/S platformaları üçün buraxılacaq.
Yaradıcı “Mass Effect Legendary Edition”-da orjinal oyundakı abu-havanı saxlamaq konsepsiyası ilə çıxış edir. Belə ki, oyunda tekstura, müasir effektlər və digər qrafik təşkiledicilər kifayət qədər təkmilləşdirilsə də, oyun mexanikası və ümumilikdə süjet orjinalda olduğu kimi qalır.
Kiçik müqayisə üçün Sizə iki skrin təqdim edirik:
Yaradıcıların sözlərinə görə “Mass Effect Legendary Edition” 4K ölçünü, PC platforması üçün ultrawide monitorları, PS4 Pro, Xbox One X, PS5 və Xbox Series X oyun konsollarında isə stabil 60 FPS dəstəkləyəcək.
Oyundan daha bir neçə skrini Sizə təqdim edirik:
Mass Effect Legendary Edition treyleri
PC üçün sistem tələbləri:
Minimal sistem tələbləri:
• Əməliyyat Sistemi: Windows 10 64 bit
• CPU: Intel® Core™ i5 3570 / AMD FX 8350
• GPU: nVidia GeForce GTX 760 / AMD Radeon™ 7970/R9 280X
• RAM: 8 Gb
• DirectX: 11
• Diskdə boş yer: 120 Gb
Tövsiyə olunan sistem tələbləri:
• Əməliyyat Sistemi: Windows 10 64 bit
• CPU: Intel® Core™ i7 7700 / AMD Ryzen 7 3700X
• GPU: nVidia GeForce GTX 1070 / AMD Radeon™ Vega 56
• RAM: 16 Gb
• DirectX: 11
• Diskdə boş yer: 120 Gb
