“Battlefield 2042” 22 oktyabr tarixində PC, PS4 / PS5, Xbox One / Xbox Series X|S platformalarına buraxılacaq
Hazırda EA “Battlefield 2042” oyununun qapalı sınaqlarını keçirir. Son bir neçə gündə oyunun sınaqlarında iştirak edən bəzi şəxslər qeympley görüntülərini şəbəkəyə sızdırıblar. Bu görüntülərdən oyunun hələ də tam hazır olmadığı açıq aydın nəzərə çarpır. Sözsüz ki, oyunun yaradılması prosesinin ən əsas mərhələləri artıq arxada qalıb. Buna baxmayaraq, yarana biləcək fəsadların aradan qaldırılması üçün oyunun sınaqlardan keçirilməsi zəruridir.
Əlbəttə ki, bu vəziyyətdə oyunun qeympley görüntülərinin sızdırılmasını görən EA kənarda qala bilməzdi. Nəhayət ki, “İrlandiyalı” təxəllüslü mütəxəssis Kembl Qreyvsin “Battlefield 2042” oyunundan rəsmi qeympleyi təqdim olundu.
Rəsmi qeympley videosu həm oyunun saytında, həm də sosial şəbəkədə yerləşdirilib.
Qeympley görüntüləri olduqca qısa olsa da, ən azından bu görüntülər özündə oyunun buraxılış versiyasına ən yaxın olan vəziyyətini əks etdirir və qapalı sınaqlardan sızan görüntülərdən fərqli olaraq daha keyfiyyətlidir.
Bu videoda “Battlefield 2042” oyunundan “İrlandiyalı”nın xüsusi bacarıqlarını da görmüş olduq. Kembl Qreyvs partlayıcı vasitələr üzrə mütəxəssisdir. O, güllələrdən və partlayışdan qorunma üçün xüsusi daldalanacaqlar yerləşdirməyi bacarır.
Xatırladaq ki, “Battlefield 2042” Kembl Qreyvs personajının seriyada ilk oyunu deyil. Əvvəllər bu personaj “Battlefield 4” oyununda da mövcud olub.
