Yenicə anons olunan “Call of Duty: Modern Warfare II” oyununun qeympley videosu şəbəkəyə sızıb. Təəssüf ki, 10 saniyəlik video, həm də olduqca keyfiyyətsizdir.
Xatırlayırsınızsa, 2019-cu ildə buraxılan “Call of Duty: Modern Warfare” ilə oyun seriyasının hekayəsi yeni səhifədən başladı. Burada seriya ilə əvvəllər tanış olan oyunçular üçün kifayət qədər tanış simalar var idi. Oyunun sonunda isə biz növbəti oyunda daha çox tanış obrazlar görəcəyimizə kiçik bir işarə də aldıq. Nəhayət ki, üç ildən sonra “Call of Duty: Modern Warfare II” mövzusu getdikcə canlanmağa başlayıb. İlk öncə Activision oyunun rəsmi tizerini təqdim etdi:
Dünən isə oyunun qeympleyindən ilk video şəbəkəyə sızıb. Düzdür, videodan nəsə anlamaq çətindir, çünki cəmi 10 saniyə davam edir və olduqca keyfiyyətsizdir. Şəbəkədə yayılan bu görüntünün Activision tərəfindən hər yerdə məhdudlaşdırılması, onun məhz “Call of Duty: Modern Warfare II” oyununa aid olmasını bir daha təsdiqləyir.
Həmin videonu sizə təqdim edirik:
