“Death Stranding Director’s Cut” 24 sentyabr tarixində yalnız PlayStation 5 konsolu üçün buraxılacaq
İlk dəfə 2019-cu il tarixində PlayStation 4 konsolu üçün buraxılan “Death Stranding” oyununun daha geniş məzmunlu müəllif versiyasının son treyleri təqdim olunub. Artıq təxminən 15 gündən sonra oyun PlayStation 5 konsolu üçün buraxılacaq. Buna baxmayaraq oyunu indidən öncədən sifariş etmək mümkündür. PlayStation 4 konsolunda oyunu əldə edənlərin müəllif versiyasını xüsusi endirimlə əldə etmək imkanları var.
Əlbəttə ki, Hideo Kojima və Sony “Death Stranding Director’s Cut” üçün yalnız oyun dünyasını yox, həm də onun funksional imkanlarını genişləndirib. Oyun artıq yeni nəsil konsola tam adaptasiya olunub. Bu isə sürətli yüklənmə və DualSense qeympadlarının haptik əks-əlaqə funksiyasının dəstəklənməsi deməkdir.
Xatırladaq ki, “gamescom 2021” sərgisinin açılış mərasimi haqqında məqalə yazarkən treylerlə yanaşı, “Death Stranding Director’s Cut” versiyasının əhatə etdiyi yeni məzmunla əlaqədar da məlumat vermişdik.
