“Halo Infinite”də “Lone Wolves” adlı yeni sezon 3 may tarixində başlayacaq.
Keçən il 15 noyabr tarixində PC, Xbox One / Xbox Series X|S platformaları üçün buraxılan “Halo Infinite” oyunu yaradıcı 343 Industries studiyası tərəfindən vaxtaşırı yenilənir. Oyuna PC və Xbox platformaları üçün nəzərdə tutulan optimallaşdırma patçları ilə yanaşı yeni məzmun da əlavə olunur. “Halo Infinite”nin xüsusiyyətlərindən irəli gələrək, yeni məzmun əsasən oyunun çox nəfərlik rejiminə əlavə olunur.
Dünən 343 Industries studiyası anons etdiyi “Lone Wolves” (Tənha Canavarlar azərb.) sezonunun anons treylerini təqdim edib. 2-ci sezonda oyuna yeni döyüş keçidi (battle pass ing.) və 2 dəst zireh əlavə olunacaq.
Yuxarıda qeyd olunanlarla yanaşı, oyuna 2 yeni xəritə, “Last Spartan Standing“ və “Land Grab” rejimləri əlavə olunacaq. “Last Spartan Standing” rejiminin “battle royale” tipli olacağı gözlənilir.
