17 fevral tarixində “Uncharted”in baş qəhrəmanları Neytan Dreyk və Xloya Freyzerin skinləri “Fortnite” oyununa əlavə olunacaq.
“Epic Games” beynəlxalq əlamətdar günləri, gözlənilən film və oyun buraxılışlarını özünəməxsus formada qeyd edir. Adətən məşhur film və oyun seriyalarından olan əsas obrazların skinləri “Fortnite” oyununa əlavə olunur. Bu dəfə isə “Uncharted” filminin premyerası münasibətilə “Fortnite” oyunun qonaqları Neytan Dreyk və Xloya Freyzer obrazları olacaq.
Bir müddət əvvəl “Epic Games” rəsmi saytının “Fortnite” bölməsində maraqlı bir müsabiqə başlamışdı. Müsabiqənin şərtlərinə uyğun olaraq oyunçular 14 hərfli gizli şifri taparaq müvafiq xanaya daxil etməli idilər. Çox qısa müddət ərzində bu kodu (sicparvismagna) tapan oyunçulara yeni skinlərə həsr olunmuş videoçarx təqdim olundu:
Maraqlısı isə odur ki, “Uncharted” oyun seriyasını sevənləri intizarda qoymamaq üçün “Epic Games” skinləri iki versiyada – həm oyun, həm də film versiyasında əlavə edəcək. 17 fevraldan etibarən hər kəs həmin skinləri “Fortnite”ın oyundaxili mağazasından “V-bucks” valyutası ilə əldə edə biləcək.
EPIC GAMES VƏ GGC
Xatırladaq ki, hazırda Azərbaycan Əyləncə və Oyun İcması Epic Games şirkətinin həmkarıdır. Epic Games Store rəqəmsal mağazasından hər hansı oyun və ya proqram təminatını, eləcə də “Fortnite” oyununda oyundaxili valyutanı (V-bucks ing.) ödəniş edib əldə edərkən bizim xüsusi müəllif kodumuzu qeyd edib icmamıza dəstək olmağı unutmayın.
MÜƏLLİF KODUMUZ:
