Super Mario 64 bu hərracdan sonra dünyanın ən baha satılan oyunu olub
1996-cı ildə Nintendo 64 platforması üçün Nintendo şirkəti tərəfindən ərsəyə gətirilən “Super Mario 64” dünyanın ən baha satılan oyunu olub. 11 iyul tarixində ABŞ-ın “Heritage” hərrac evində hərraca çıxarılan “Super Mario 64” oyununun bir nüsxəsi 1.560.000 ABŞ dollarına satılıb.
Xatırladaq ki, bu hərracdan bir neçə gün əvvəl “The Legend of Zelda” oyununun nadir bir nüsxəsi 870.000 ABŞ dollarına satılıb. “Super Mario 64” oyunu isə bu rekordu təzələyib.
