Bir-biri ilə illərdir ki, rəqabət aparan “PlayStation” və “Xbox” platformaları yeni nəsil konsolların tam texniki xüsusiyyətlərini nəhayət ki, açıqladılar. Bu addımı ilk olaraq bu dəfə öz istifadəçilərinə daha yaxın olan “Microsoft” şirkətinin “Xbox” platforması yaradıcıları atdı. Belə ki, “Xbox Series X” konsolunun daha əvvəllər rəsmi dizaynı nümayiş etdirilmişdi. 16.03.2020-ci il tarixində isə onun tam texniki xüsusiyyətləri açıqlandı. Buna cavab olaraq isə “Sony” şirkətinə məxsus “PlayStation” 18.03.2020-ci il tarixində “PlayStation 5” konsolunun texniki xüsusiyyətlərini açıqladı.
Xbox Series X konsolunun texniki xüsusiyyətləri və təfərrüatlar
- CPU: 8x Zen 2 Cores 3.8GHz (3.6GHz SMT ilə) 7nm
- GPU: 12 TFLOPs, 52 CUs at 1.825GHz, Custom RDNA 2
- RAM: 16GB GDDR6
- Yaddaş: 1TB custom NVMe SSD
- Optik sürücü: 4K UHD Blu-ray
- 120 fps dəstəkləyir
- 8K görüntü imkanı
- Ray-tracing texnologiyası
- Xbox One aksessuarlarını dəstəkləyir
Xbox Series X konsolu DirectX Raytracing texnologiyasının dəstəyi ilə daha təkmil şüa 
effektlərinə malik olacaq. 8 nüvəli AMD Zen 2 prosessoru 3.8 GHz tezliklə, 16 axının işləməsi ilə SMT aktivləşdikdə isə tezlik 3.66 GHz bərabər olacaq. Yuxarıdakı şəkildə görüdüyünüz isə konsolun stabil fəaliyyət göstərməsi üçün daxildə olan havalandırma sistemidir. Xbox Series X konsolunun pəri yuxarı hissədə yerləşəcək, hava axını isə konsolun yuxarıdan aşağıya doğru bütün elementlərinə bölünərək onun stabil işləməsini təmin edəcək.
Microsoft şirkətinin yeni nəsil “Xbox” platformasının sistem təchizatı istifadəçilərin oyun zamanı 4k görüntü ölçüsündə 60 FPS-dən 120 FPS-dək tezlikdə oynamaq imkanı yaradacaq.
PlayStation 5 konsolunun texniki xüsusiyyətləri və təfərrüatlar
PlayStation 5 konsolunun tam texniki xüsusiyyətlərinin açıqlanması bir qədər fərqli oldu. Sıradan bu platformanın istifadəçiləri üçün isə bir çox məsələlər qaranlıq qaldı. Tədbir əsasən oyun yaradıcıları auditoriyası üçün nəzərdə tutulsa da, əsas üstünlük SSD ilə bağlı məqamlara verildi.
Playstation 5-in texniki xüsusiyyətləri aşağıdakı kimidir:
- CPU: AMD Zen 2 CPU 8 nüvə 3.5GHz (dəyişkən tezlikli)
- GPU: 10.28 TFLOPs, 36 CU və 2.23GHz (dəyişkən tezlikli)
- GPU arxitekturası: Custom RDNA 2
- RAM: 16GB GDDR6 / 256-bit
- Ötürücülük qabiliyyəti: 448GB/s
- Daxili yaddaş: Custom 825GB SSD
- IO ötürmə qabiliyyəti: 5.5GB/s (raw), 8-9GB/s (compressed)
- Əlavə yaddaş: NVMe SSD slot
- Xarici yaddaş: USB HDD dəstəkləyir (yalnız PS4 oyunları üçün)
- Optik sürücü: 4K UHD Blu-ray
PlayStation 5 və Xbox Series X konsollarının tamamilə fərqli platforma olması ilə yanaşı, həm də fərqli konsol olmasına baxmayaraq onların texniki xüsusiyyətləri demək olar ki, kifayət qədər oxşardır. Fərqlərə gəldikdə isə:
Hər iki konsolun prosessoru eyni gücə malik olsa da, Xbox Series X üçün 3.8 GHz tezliklə çalışan prosessor, PlayStation 5 isə eyni tipli prossesorla təchiz olunsa da bu dəfə 3.5 GHz tezlikli prosessorla təchiz olunmuşdur. Video yaddaşa gəldikdə isə video çipin xüsusiyyətlərinə əsasan Xbox Series X 12 TFLOPs, PlayStation 5 isə 10.28 TFLOPs-ludur. PlayStation 5 825 GB (ötürücülük qabiliyyəti 5.5 Gb saniyə) daxili yaddaşa, Xbox Series X isə 1 Tb daxili yaddaşa malikdir. Xbox Series X əvvəlki buraxılışlarda olduğu kimi öz oyunlarının yeni platformada dəstəklənməsini də təmin edəcək, lakin PlayStation 5 yalnız bəzi oyunların dəstəklənməsini təmin edəcək.
Hazırda heç bir yeni nəsil konsolun qiyməti məlum deyil, lakin hər ikisinin buraxılışının bu il baş tutacağı güman edilir.
