Avqust ayında PS Plus abunəçiləri Hunter’s Arena: Legends, Plants vs Zombies: Battle for Neighborville və Tennis World Tour 2 oyunlarını ödənişsiz əldə edə biləcəklər.
PS Plus abunəsində paylanılacaq oyunların adları bu ay da vaxtından əvvəl şəbəkəyə sızıb. Abunəçilər avqust ayında “Hunter’s Arena: Legends”, “Plants vs Zombies: Battle for Neighborville” və “Tennis World Tour 2” oyunlarını ödənişsiz əldə edə biləcəklər.
Qeyd edək ki, rəsmi məlumat bu ayın sonunda elan olunacaq.
Hunter’s Arena: Legends
Oyun 15 iyul 2020-ci il tarixində Mantisco tərəfindən ərsəyə gətirilib. Hazırda PC, PS4 və PS5 platformaları üçün mövcuddur. “Hunter’s Arena: Legends” oyunu həm PvP, həm də PvE məzmunlu “Battle Royale” janrındadır.
Plants vs Zombies: Battle for Neighborville
Oyun məşhur “Plants vs Zombies” seriyasına daxildir. EA və PopCap tərəfindən Frostbite 3 oyun mühərrikində ərsəyə gətirilib. 2019-cu ildə PC, PS4 və Xbox One platformaları üçün, 2021-ci ildə isə Nintendo Switch üçün buraxılıb. Üçüncü şəxs perspektivli şuter janrındadır.
Tennis World Tour 2
2018-ci ildə Big Ant Studios və Nacon tərəfindən ərsəyə gətirilib. “Tennis World Tour 2” PlayStation 4, Nintendo Switch, PC və Xbox One platformaları üçün buraxılıb. Adından da bəlli olduğu kimi oyun tennis idman növünün simulyasiyasıdır.
