“Qodzilla Konqa qarşı” filminin beynəlxalq premyerası sabah – 24.03.2021-ci il tarixində baş tutatacaq
Film ABŞ-ın Warner Bros. və Yaponiyanın Toho şirkətlərinin ortaq distribüterliyi ilə Legendary Pictures film şirkəti tərəfindən ərsəyə gətirilib. Çəkilişlər 2018-ci il tarixində başlansa da, müxtəlif səbəblərdən premyerası bu ilin 24 mart tarixinədək uzanıb. Adından da məlum olduğu kimi filmdə iki titan – Qodzilla və Konq epik döyüşdə bir-birilə qarşılaşacaqlar.
“Qodzilla Konqa qarşı” filmi “MonsterVerse” kinemotoqrafiya kainatına aiddir. 2014-cü il tarixində buraxılan “Qodzilla”, 2017-ci il tarixində buraxılan “Konq: Kəllələr adası” və 2019-cu ildə buraxılan “Qodzilla: Bədheybətlər Kralı” (sonuncu haqqında saytımızda ətraflı məqalə var) filmləri də, məhz “MonsterVerse” kinemotoqrafiya kainatındandır. Bu filmdə iki əfsanəvi varlıq meqapolisdə güclü dağıntılara səbəb olan döyüşdə üz-üzə gələcəklər.
Süjetə görə
hadisələr “Qodzilla: Bədheybətlər Kralı” filmindəki hadisələrdən 5 il sonra cərəyan edir. Qodzillanın son vaxtlarda kütləvi dağıntılara səbəb olan davranışı insanlarda suallar doğurur. Elə bu vaxtlar da “təsadüfən” Kəllələr adasından daşınan Konq Qodzilla ilə rastlaşır.
Düşünürəm ki, süjetin səthiliyini şərh etməyə ehtiyac belə yoxdur. Ən azından bu filmə qrafik effektlərə və iki titanın epik qarşılaşmasında hansının qalib olacağına görə baxmağa dəyər. Bəlkə də dəyməz. Bu qərarı isə siz verəcəksiniz.
Filmin treylerini sizə təqdim edirik:
