“Rainbow Six” seriyasından olan növbəti oyunda “Quarantine” sözünün “Parasite” sözü ilə əvəz ediləcəyi barədə şaiyələr gəzir
“Rainbow Six Quarantine” oyununun 2019-cu ildə anons olunmasına baxmayaraq, oyun müxtəlif səbəblərdən hələ də buraxılmayıb. Üç nəfərlik kooperativ oyun olan “Rainbow Six Quarantine” Rainbow dəstəsindən olan xüsusi təyinatlıların bu dəfə də insanlıq üzərinə çökən yeni təhlükə – yadplanetli parazitlə mübarizəsindən bəhs edir.
Son zamanlar isə internetdə olan müxtəlif mənbələrdən oyunun adındakı altyazı olan “Quarantine” sözünün “Parasite” sözü ilə əvəz ediləcəyi barədə aktiv şayələr gəzirdi.
Ubisoft şirkəti məsələyə aydınlıq gətirərək şayələri təkzib etdi. Ubisoft-un verdiyi rəsmi məlumata görə “Rainbow Six Quarantine” oyununun altyazısı dəyişəcəyi barədə məlumatlar doğru olsa belə, “Parasite” sözü ilə əvəzlənməyəcək. “Rainbox Six Parasite” oyunun sadəcə şirkət üçün nəzərdə tutulan işçi adıdır. Oyunun altyazısının dəyişəcəyini isə Ubisoft pandemiya dövrü ilə əlaqədar “Quarantine” sözünün narazılıqlara səbəb ola biləcəyi ilə əsaslandırıb.
Hazırda oyunun dəqiq buraxılış tarixi hələ də məlum olmasa da, bu ilin sonlarınadək buraxılacağı gözlənilir.
Əvvəllər oyunun treylerini izləməyənlər isə ona buradan baxa bilər:
