Marvel Kinemotoqrafiya Kainatının növbəti qəhrəmanı Şanq-Çiyə həsr olunmuş filmin premyerası bu ilin sentyabr ayında baş tutacaq
İlk dəfə 1973-cü ildə “Special Marvel Edition” komiksinin 15-ci buraxılışında işıq üzü görən Kunq-Fu ustadı Şanq-Çi Marvel komikslərinin superqəhrəmanıdır. Şanq-Çi mükəmməl döyüş ustası olsa da, komikslərdə onun hansı super gücə malik olduğu barədə dəqiq məlumat verilmir.
“Şanq-Çi və On Üzüyün Əfsanəsi” (Shang-Chi and the Legend of the Ten Rings ing.) sayca Marvel Kinemotoqrafiya Kainatının 25-ci filmidir. Filmdə “Şanq-Çi” obrazının aktyoru Lyu Sımu canlandırır. Dünən Marvel Studios tərəfindən filmin ilk posteri və treyleri təqdim olunub. İlk treylerdən aydın olur ki, film Şanq-Çinin superqəhrəman kimi formalaşdığı dövrə də toxunur. Filmdə, o, “On Üzük” adlanan təşkilata qarşı mübarizə aparacaq.
Şanq-Çi və On Üzüyün Əfsanəsi filminin ilk treylerini təqdim edirik:
