Discord gələn ilin əvvəllərindən etibarən PlayStation platformasına inteqrasiya olunacaq
İki şirkətin əməkdaşlığa başlamasını “Sony Interactive Entertainment”in prezidenti və baş icraçı direktoru Cim Rayan elan edib.
“At PlayStation, we’re constantly looking for new ways to enable players around the world to connect with one another, form new friendships and communities, and share fun experiences and lasting memories. It’s in this spirit that we’re excited to announce a new partnership with Discord, the communication service popularized by gamers and used by more than 140 million people every month around the world.”
O qeyd edir ki, Dünyanın hər yerindən olan oyunçuların bir-biri ilə əlaqə yaratması üçün PlayStation durmadan yeni yollar axtarır. Məhz bu münasibətlə də Discord ilə əməkdaşlığın elan olunmasından məmnuniyyət hissi duyur.
Xatırladaq ki, əvvəllər bir neçə şirkət “Discord”u özünə birləşdirmək istəsə də bu mümkün olmamışdı. Danışıqlar zamanı bu məsələdə yalnız Microsoft şirkəti digərlərindən bir qədər irəli gedə bilmişdi. Buna baxmayaraq son anda Discord etiraz edərək müstəqil fəaliyyət göstərməyi üstün tutmuşdu.
Discord rəqəmsal yayma platforması gələn ilin birinci rübündən etibarən PlayStation platformasına inteqrasiya olunacaq. Bu isə o deməkdir ki, PS konsolunun sahibləri ondan daha rahat və səmərəli istifadə edə biləcəklər.
