Bundan sonra Sony PC platformasına port olunan eksklüziv oyunlarını “PlayStation Mobile” yox, “PlayStation PC LLC” adı altında buraxacaq
Sony əvvəllər PC platformasına port olunan PlayStation oyunlarını “PlayStation Mobile” adı altında buraxırdı. Buna misal olaraq “Horizon Zero Dawn” və ya sonuncu port olunan “Days Gone” oyunlarını qeyd etmək olar. Lakin artıq bu oyunlarda da tədricən yaradıcı adı “PlayStation PC LLC” ilə əvəz olunur. Görünür, son zamanlar PC platformasına port olunan oyunların sayının artdığını nəzərə alan Sony bu məsələyə daha çox diqqət ayırmaq qənaətinə gəlib.
Xatırladaq ki, bu yaxınlarda sonuncu “God of War” oyununun da 14 yanvar 2021-ci il tarixində PC platformasına buraxılacağı anons olunmuşdu.
Gələcəkdə daha çox PlayStation oyunlarının PC platformasına port olunacağı isə Sony tərəfindən istisna olunmur.
