Oyun yalnız PlayStation 4 və Nintendo Switch platformaları üçün buraxılacaq
“Star Wars: Republic Commando” oyununun yenidən buraxılışı 6 aprelə təyin olunub. Lakin, oyun 6 aprel tarixində hələ ki, yalnız PlayStation 4 və Nintendo Switch platformaları üçün yenidən buraxılacaq. Oyunun sözügedən platformaları portu və buraxılışı Aspyr şirkəti tərəfindən həyata keçirilir.
İlk dəfə LucasArts tərəfindən ərsəyə gətirilən “Star Wars: Republic Commando” 28 fevral 2005-ci il tarixində Xbox və PC platformaları üçün buraxılmışdı.
Ümumilikdə oyunda ciddi dəyişikliklər olmayacaq. Verilən məlumata görə oyunda olunan dəyişiklik əsasən təkmilləşdirilmiş idarəetmədən ibarətdir. Oyun sisteminə olunmuş digər bir əlavə isə PlayStation kuboklarıdır. Yəni, oyun proqresində əvvəlcədən nəzərdə tutulmuş şərtləri yerinə yetirdiyinizə görə bu nailiyyətləri əldə edəcəksiniz.
PlayStation platforması üçün “Star Wars: Republic Commando” oyununda əldə edə biləcəyiniz nailiyyətlərdən biri “Tər-təmiz” (Squeaky Clean ing.) adlanır. Aspyr şirkətinin marketoloqu Molli Rastın qeyd edib ki, bu nailiyyəti əldə etmək üçün oyun kampaniyası boyu taktiki vizoru təmiz saxlamaq lazımdır.
Star Wars: Republic Commando oyununun PS4 və Nintendo Switch platformalarına anons treylerini Sizə təqdim edirik:
