23 sentyabradək bütün istifadəçilər Steam rəqəmsal mağazasından “Titan Quest” və “Jagged Alliance” oyunlarını ödənişsiz əldə edə bilərlər.
Bu gün – 17 sentyabr tarixində THQ Nordic yaranmasının 10 illik yubileyini qeyd edir. Bu münasibətlə şirkət bu gün Bakı vaxtı ilə saat 23:00-da təqdimat keçirəcək. Təqdimat zamanı bir neçə anons gözlənilir.
Steam rəqəmsal mağazasında isə yubiley münasibətilə THQ Nordic oyunlarına endirim başlayıb, eləcə də “Titan Quest” və “Jagged Alliance” oyunları 23 sentyabradək tamamilə pulsuzdur.
Titan Quest Anniversary Edition
Oyun ilk dəfə 2006-cı il tarixində PC platforması üçün ərsəyə gətirilib. Daha sonra isə oyunun 2016-cı ildə “Titan Quest Anniversary Edition” yubiley versiyası buraxılıb. Həmin ildə oyun iOS və Android platformaları, daha sonra 2018-ci ildə isə PS4 və Xbox One platformaları üçün buraxılıb.
“Titan Quest” ekşen rol oyunu (action/RPG ing.) janrındadır. Oyun həm tək nəfərlik, həm də çox nəfərlik rejimləri dəstəkləyir.
Jagged Alliance 1: Gold Edition
“Jagged Alliance” Sir-Tech və MediaLab Software tərəfindən 1994-cü il 2 iyun tarixində ərsəyə gətirilib. Kifayət qədər köhnə oyun olsa da, oyun sənayesinin strategiya və rol oyunu janrları üçün əsaslarından biri sayılır.
