Valve şirkətinin anons etdiyi portativ Steam Deck konsolunun bu ilin sonlarınadək buraxılacağı gözlənilir
Bir neçə gün əvvəl Valve şirkəti tərəfindən anons olunan Steam Deck son günlər xarici KİV və sosial şəbəkələrdə geniş müzakirələrə səbəb olub. Bu məqaləmizdə biz Steam Deck konsolu ilə əlaqədar bu günə məlum olan məlumatları sizinlə bölüşməyə çalışacağıq. İlk əvvəl gəlin bu konsol haqqında sizlərdə sadə bir təsəvvür yaradaq.
Beləliklə Steam Deck nədir?
Steam Deck ayrıca bir platforma deyil və öz sistem komponentləri olan portativ konsoldur. Bu konsolu tam olaraq PC adlandırmaq olmasa belə PC platformasına aiddir. Steam rəqəmsal mağazasında olan bütün oyunları Steam Deck konsolunda oynamaq mümkün olacaq. Elə məhz bu xüsusiyyətinə görə konsol PC kateqoriyasına daxildir. Steam Deck görünüşü ilə Nintendo Switch konsolunu xatırladır.
Steam Deck 
Nintendo Switch OLED
Sistem komponentlərinə gəldikdə isə konsol AMD Zen 2 və RDNA2 texnologiyası əsasında hazırlanmış xüsusi hibrid mərkəzi prosessorla və 16 GB RAM ilə təchiz olunub. Eləcə də məhsulu 3 versiyada istehsal olunacaq. Hər versiya özünəməxsus dəstdən ibarətdir.
- 64 GB eMMC yaddaş ilə təchiz olunmuş Steam Deck
– Çexol - 256 GB NVMe SSD yaddaş ilə təchiz olunmuş Steam Deck
– Daha sürətli yaddaş
– Çexol
– Steam icmasındakı profil üçün eksklüziv dəst - 512 GB NVMe SSD yaddaş ilə təchiz olunmuş Steam Deck
– Ən sürətli yaddaş
– Parıltıya qarşı hazırlanmış kimyəvi şüşə
– Eksklüziv çexol
– Steam icmasındakı profil üçün eksklüziv dəst
– Eksklüziv virtual klaviatura
64 GB yaddaşla təchiz olunmuş versiya 400$, 256 GB yaddaşla təchiz olunmuş versiya 529$, 512 GB yaddaşla təchiz olunmuş versiyası isə 649$ ABŞ dolları qiymətinə dəyərləndirilir.
16 iyul tarixindən başlayan öncədən sifariş zamanı istifadəçilər bir sıra çətinliklərlə üzləşib. Belə ki, çoxsaylı sifarişlərə görə öncədən sifariş səhifəsi ya düzgün fəaliyyət göstərmir, ya da ümumiyyətlə yüklənmirdi. Bütün bunlara baxmayaraq xeyli insan artıq yeni konsolu öncədən sifariş etməyi bacarıb.
Artıq eBay və digər bu kimi saytlarda alverçilər Steam Deck konsolunu öz dəyərindən bir neçə dəfə baha qiymətə satışa çıxarıblar.
Steam Deck portativ konsoluna ilk baxış:
