Ubisoft “Frozen Shores” adlanan yeni sezonun treylerini təqdim edib. Yeni sezon 9 dekabr tarixində başlayacaq.
2017-ci ildə Ubisoft tərəfindən ərsəyə gətirilən “For Honor” oyununda növbəti sezon başlayır. 5-ci ilin 4-cü sezonu kimi təqdim olunan “Frozen Shores” sezonu 9 dekabr tarixində başlayacaq. Bu münasibətlə Ubisoft yeni sezona həsr olunmuş qısa giriş treyleri təqdim edib.
Sezonun adı ilə bilavasitə bağlı olan yeni treylerdə buzlu sahillərə yaxınlaşan döyüş gəmiləri təsvir olunub.
“Frozen Shores” sezonunda oyunçuları yeni ödənişli döyüş keçidi (battle pass ing.), xarici görünüş elementləri və 9-30 dekabr tarixlərini əhatə edən bir sıra maraqlı hadisə gözləyir. 27 yanvar tarixində isə oyuna yeni personajın əlavə olunacağı planlaşdırılır.
