2019-cu ilin aprel ayının 25-dək Assassin’s Creed: Unity UPlay-də ödənişsiz olaraq paylaşılacaq
2019-cu ilin aprel ayının 15-də Fransanın Parij şəhərində yerləşən Notr-Dam kilsəsi alışaraq yanmağa başladı. Baş verən yanğın hadisəsi o qədər güclü idi ki, yanğınsöndürənlər onun öhdəsindən yalnız aprel ayının 16-sı səhər gələ biliblər. Nəticədə Notr-Dam kilsəsinə xeyli ziyan dəysə də, mənbələrin verdiyi məlumata görə kilsənin əsas hissəni qoruyub saxlamaq mümkün olub. Hazırda məhşur və tarixi kilsənin bərpa olunması üçün dünyanın bir çox yerində yardım aksiyaları başlanılıb. Hər yeni oyunu ilə isə tarixi gözlərimiz önündə canlandıran Ubisoft-da yardım aksiyasına qoşularaq maddi dəstəklə yanaşı, hadisələri XVIII əsr Parijdə cərəyan edən Assassin’s Creed: Unity oyununu aprel ayının 25-dək UPlay-də ödənişsiz olaraq paylaşmaq qərarına gəlib.
