“MultiVersus” döyüş oyunu 2022-ci ildə PC, PS4 / PS5 və Xbox One / Xbox Series X|S platformaları üçün buraxılacaq
Son günlər bir çox KİV Warner Bros. şirkətinin tamamilə yeni döyüş oyunun üzərində çalışdığı haqqında yazırdı. Nəhayət ki, dünən şirkət sözügedən oyunun adını və təqribi buraxılış tarixini açıqlayıb. “MultiVersus” oyunu 2022-ci ildə PC, PS4 / PS5 və Xbox One / Xbox Series X|S platformaları üçün buraxılacaq. Oyun şərti ödənişsiz olacaq.
“MultiVersus” fərqli kainatların superqəhrəmanlarını qarşılaşdıran döyüş oyunudur. İlkin məlumata görə oyun bütün platformalar arasında krosspley və krossproqres funksiyasını dəstəkləyir. Çox nəfərlik rejimdə həm tək, həm də kooperativ oynamaq mümkün olacaq. Belə ki oyunda təkbətək döyüşlə yanaşı iki-ikiyə döyüş rejimləri də mövcud olacaq.
Hazırda rəsmi mənbəyə əsasən aşağıda adı sadalanan qəhrəmanların “MultiVersus” oyununa daxil olacağı məlumdur:
- Betmen
- Supermen
- Harli Kvinn
- Ecazkar qadın (Wonder Woman ing.)
- Şeggi Rocers (Skubi-du cizgi-serialından)
- Baqs Banni
- Tom və Cerri
- Arya Stark
- Ceyk (“Adventure Time” cizgi-serialından)
- Finn (“Adventure Time” cizgi-serialından)
- Stiven (“Stiven Universe” cizgi serialından)
- Qarnet (“Stiven Universe” cizgi serialından)
- Reindoq (“MultiVersus” oyununa məxsus yeni qəhrəmanı)
