Göy rəngli və rezin tutacaqlı Xbox qeympadı 31 avqust tarixində satışa buraxılacaq
Microsoft yeni nəsil Xbox Series X|S konsolları ilə birlikdə buraxılan qeympadın göy rəngini anons etdi. Yeni rəng rəsmi olaraq “Aqua Shift” adlanır. Xbox saytında paylaşılan şəkillərdən görünür ki, “Aqua Shift” göy rəngin xüsusi çalarındadır.
Yeni rəngdən əlavə bu qeympadın daha bir özəlliyi var. Belə ki, qeympadın tutacaqları xüsusi rezin örtüklə təchiz olunub. Bu rezin örtük qeympadın ələ daha rahat oturması və tərləyən zaman onun sürüşməsini əngəlləmək üçün nəzərdə tutulub. Hələ ki, belə örtük yalnız “Aqua Shift” rəngli Xbox qeympadları üçün nəzərdə tutulub.
“Aqua Shift” rəngli qeympadın 31 avqust tarixində rəsmi satışa buraxılacağına baxmayaraq, onu artıq öncədən sifariş etmək mümkündür. Qiyməti isə 69.99$ təşkil edir.
